एका शहरात मित्र, दुसऱ्यात शत्रू – बदलत्या युतींमुळे मतदारांसमोर प्रश्नचिन्ह.

Maharashtra Political Alliances: मतदारांमधील गोंधळाचं विश्लेषण | Explainer

राजकीय युती इतक्या वारंवार बदलतात की सामान्य मतदारांना “हा मित्र आहे की शत्रू?” हे ओळखत सुद्धा येत नाही. महाराष्ट्रातील महानगरपालिकांच्या निवडणुकांमध्ये आज हेच प्रश्न घोळातले आहेत. चला पाहूया याचे का कारण आहे आणि मतदारांवर या बदलांचा परिणाम कसा होत आहे?तेव्हा प्रश्न असा आहे की, मतदाराने नेमके काय समजायचे? पक्षांची भूमिका, की सत्तेची गणितं?

#Maharashtra politics #Municipal elections #Political alliances #Voter confusion #Local governance # Alliance change reasons #Voter trust

2026 मध्ये युती बदलण्याची राजकीय कारणे

विधानसभेत महायुती अर्थात  भाजप, शिंदेंची शिवसेना आणि अजित पवाराची राष्ट्रवादी एकत्र आहे, तर महाविकास आघाडी अर्थात काँग्रेस, ठाकरे गट, शरद पवार गट विरोधात. मात्र जानेवारी 2026च्या महानगरपालिका निवडणुकांमध्ये हे चित्र उलटे झाले.

न्यूज व्हॅली यूट्यूब चॅनेल पाहण्यासाठी क्लिक करा

श्रीमंत अशा  मुंबई महानगरपालिका निवडणुकीत उद्धव ठाकरे आणि राज ठाकरे यांची म्हणजे यूबीटी आणि मनसे यांची युती झाली. तर काँग्रेस आणि वंचित बहुजन आघाडी एकत्र आले, भाजप आणि शिंदेंची शिवसेना  एकत्रित निवडणूक रिंगणात उतरली आणि अजित पवारांची राष्ट्रवादी  स्वतंत्रपणे या निवडणुकीला तोंड देत आहे.

पुणे आणि पिंपरी-चिंचवड महानगरपालिकेत अजित पवार आणि शरद पवार याची राष्ट्रवादी एकत्र आली आहे. राष्ट्रवादीची ही युती भाजपविरोधात आहे, तर काँग्रेस आणि ठाकरे गटाने हात मिळवणी केली आहे.

अवश्य वाचा: महाराष्ट्रातील स्थानिक राजकारणाचे विश्लेषण 

2025 च्या नगरपरिषद निवडणुकांमध्ये महायुतीने 207 अध्यक्षपदे जिंकली, महाविकास आघाडीला मोठा फटका बसला. पण महानगरपालिकेत स्थानिक हितसंबंधांमुळे युती बदलल्या.

स्थानिक स्वराज्य संस्थांमध्ये सत्ता म्हणजे निधी, नियंत्रण आणि राजकीय भवितव्य. त्यामुळे राज्यात जे अशक्य वाटतं, ते स्थानिक पातळीवर शक्य होतं.

पक्ष फुट आणि नेता हिते – मतदारांचा गोंधळ

ठाकरे गट आणि राष्ट्रवादीच्या फुटीमुळे गोंधळ वाढला. ठाकरे कुटुंब एकत्र आले तर पवार कुटुंब पुण्यात भाजप रोखण्यासाठी एकजूट झाले. तसे पाहता राजकारणात कायमचे मित्र-शत्रू नसतात, फक्त हितसंबंध असतात. स्थानिक पातळीवर सत्ता टिकवण्यासाठी नेते युती बदलतात, तेथे विचारधारा दुय्यम ठरते. सत्ता टिकवण्यासाठी युती बदलणे राजकारणाचा भाग मानला जातो, पण त्याची किंमत मतदाराच्या विश्वासातून मोजली जाते.

मतदारांचा विश्वास आणि स्थानिक प्रश्न

"आज मित्र, उद्या शत्रू" असे चित्र मतदारांची निराश करते. काँग्रेस नेते विजय वडेट्टीवार म्हणाले, "स्थानिक निवडणुकांमध्ये युती कोठे कोठे आहेत हे कुणालाच समजत नाही." यामुळे मतदान टक्केवारी कमी होते, पक्ष ओळख हरवतो आणि सत्तेच्या खेळावरचा विश्वास उडतो. विकासकामे, पाणी, रस्ते यासारख्या प्रश्नांकडे  दुर्लक्षित होते. अशा परिस्थितीत काही मतदार तात्कालिक आश्वासनांकडे वळतात, तर काही मतदानापासूनच दूर राहतात. दोन्ही गोष्टी लोकशाहीसाठी चिंताजनक आहेत.

निष्कर्ष: जागरूक मतदाराची गरज

महाराष्ट्राच्या राजकारणातील  युत्या आणि आघाड्या सत्तेच्या स्पर्धेतून निर्माण होतात.  लोकशाहीत सत्ता बदलणे स्वाभाविक आहे, पण विचारधारा सतत बदलत असेल तर मतदाराने प्रश्न विचारायलाच हवेत, आपण कोणाला निवडतोय, आणि का? आता 15 जानेवारी 2026 च्या निकालांकडे सर्वांचे लक्ष लागले आहे.

तुमचे मत कळवा:

या बदलत्या युतींमुळे तुम्ही कधी भ्रमित झालात का? खाली comment करा.

#MaharashtraPolitics

#MunicipalElections

#PoliticalAlliance

#VoterConfusion

#NewsValleyMarathi